Ommaviy oferta

• Foydalanuvchi — Saytda telefon raqami orqali roʻyxatdan oʻtgan va taklifnoma yaratuvchi shaxs.
• Mehmon — taklifnoma havolasini olgan va uni ochgan shaxs.
• Taklifnoma — Foydalanuvchi tanlagan dizayn asosida yaratilgan elektron sahifa.
• Dizayn — Saytda taqdim etilgan taklifnoma shabloni.
• Qoralama — hali eʼlon qilinmagan taklifnoma.

Foydalanuvchi taklifnomani bepul yaratishi, tahrirlashi va oldindan koʻrishi mumkin. Taklifnoma toʻlovdan soʻng eʼlon qilinadi va shaxsiy havola orqali mehmonlarga ochiq boʻladi.

Eʼlon qilingan taklifnomani Foydalanuvchi istalgan vaqtda tahrirlashi, yashirishi va qayta eʼlon qilishi mumkin.

Xizmat narxi tanlangan dizaynga bogʻliq va Saytda soʻmda koʻrsatiladi. Toʻlov paytida koʻrsatilgan narx amal qiladi; keyingi narx oʻzgarishlari toʻlangan taklifnomaga taʼsir qilmaydi.

Toʻlov Payme toʻlov tizimi orqali amalga oshiriladi. Toʻlov tasdiqlangach, taklifnoma avtomatik ravishda eʼlon qilinadi; xizmat shu paytdan boshlab koʻrsatilgan hisoblanadi.

Toʻlovdan soʻng Foydalanuvchi taklifnomani istalgancha yashirishi va qayta eʼlon qilishi mumkin, qoʻshimcha toʻlov olinmaydi. Toʻlangan taklifnomaning dizaynini oʻzgartirib boʻlmaydi.

• Oxirgi tahrirdan 7 kundan keyin qoralamaning suratlari avtomatik oʻchiriladi, qoralamaning oʻzi saqlanadi. Bir vaqtda 30 tagacha qoralama saqlash mumkin.
• Eʼlon qilingan taklifnoma tadbirdan keyin ham ochiq qoladi; tadbir sanasidan uch oy oʻtgach uning suratlari oʻchiriladi.
• Eʼlon qilingandan soʻng tadbir sanasini birinchi eʼlon qilingan sanadan koʻpi bilan 30 kun keyinga surish mumkin.
• Taklifnomaga biriktirilmagan suratlar 24 soatdan soʻng oʻchiriladi.

Toʻlov amalga oshirilib, taklifnoma Operator aybi yoki texnik nosozlik tufayli eʼlon qilinmagan boʻlsa, toʻlangan mablagʻ toʻliq qaytariladi.

Qaytarish soʻrovi toʻlovdan soʻng 14 kun ichida jakhongir_ravshanov@icloud.com yoki @JustCodeIt orqali yuboriladi. Taklifnoma eʼlon qilingach, xizmat koʻrsatilgan hisoblanadi va mablagʻ qaytarilmaydi, qonunchilikda nazarda tutilgan hollar bundan mustasno.

• Toʻgʻri maʼlumot kiritish va telefon raqamiga kirishni boshqalarga bermaslik.
• Faqat oʻziga tegishli yoki foydalanishga ruxsat olingan suratlarni yuklash; suratdagi shaxslarning roziligini olish.
• Qonunga zid, haqoratli, boshqalarning huquqlarini buzuvchi, reklama yoki spam mazmunini joylashtirmaslik.
• Taklifnomaga qoʻshilgan karta raqami va telefon raqami havolaga ega har qanday shaxsga koʻrinishini hisobga olish.

Operator ushbu shartlarni buzuvchi taklifnomalarni yashirish yoki oʻchirish, takroriy buzilishlarda esa hisobni bloklash huquqiga ega.

Operator dizaynlar roʻyxati va narxlarni oʻzgartirishi mumkin; bu allaqachon toʻlangan taklifnomalarga taʼsir qilmaydi.

Sayt «boricha» taqdim etiladi. Operator xizmatning uzluksiz ishlashi uchun oqilona choralar koʻradi, ammo mehmonlarning harakatlari, uchinchi tomon xizmatlari (xaritalar, messenjerlar, toʻlov tizimlari) ishi va Foydalanuvchi kiritgan maʼlumotlar uchun javobgar emas.

Operatorning javobgarligi har qanday holatda tegishli taklifnoma uchun toʻlangan summa bilan cheklanadi.

Dizaynlar, Sayt va uning tarkibi Operatorga tegishli. Foydalanuvchi yuklagan suratlar va matnlar Foydalanuvchiga tegishli boʻlib qoladi; Foydalanuvchi ularni xizmat koʻrsatish uchun saqlash va koʻrsatishga ruxsat beradi.

Operator ushbu ofertani oʻzgartirishi mumkin; yangi tahrir Saytda eʼlon qilingan kundan kuchga kiradi.

Nizolar muzokaralar yoʻli bilan hal qilinadi, kelishuvga erishilmasa — Oʻzbekiston Respublikasi qonunchiligiga muvofiq sudda koʻriladi.

• Ravshanov Jahongir YaTT
• STIR: 639655863
• Email: jakhongir_ravshanov@icloud.com
• Telegram: @JustCodeIt